Kryetari i Bashkisë së Tiranës, Erion Veliaj fton qytetarët që më 14 Mars, Ditën e Verës, të bëhen pjesë e aktiviteteve të shumta që do të organizohen në kryeqytet.
Nëpërmjet rrjeteve sociale, ka publikuar axhendën e mbushur me mbi 100 aktivitete në vende të ndryshme në kryeqytet.
Festa do të kulmojë me një koncert në sheshin ‘Skëndërbej’ ku në orën 13:00 do të performojë këngëtarja shqiptare Enisa.
Ndërsa mbrëmja do të mbyllet me një “Street party”në zonën e ish-Bllokut dhe shfaqja më e madhe e dronëve në rajon në zonën e Liqenit Artificial.
“Evente festive dhe sportive pafund, eja festojmë bashkë ‘Ditën e Verës’, në Qytetin e Rinisë dhe Sportit. Zgjidh vendin ku do na bashkohesh”, shkruan Veliaj.
