Ish kryeministri dhe kreu i demokratëve Sali Berisha po zhvillon një bashkëbisedim virtual me ndjekësit dhe mbështetësit e tij, ku po i u përgjigjet pyetjeve të shumta që i drejtohen përmes rrjeteve sociale.
I pyetur se nëse fitojnë këto zgjedhje a do të ketë protesta për zgjedhje parlamentare të parakoshme, Berisha është shprehur se është i gatshëm që të bëjë gjithçka për të shkurtuar jetën e qeverisë në pushtet dhe për tu siguruar votën e lirë qytetarëve.
“Qeveria e Edi Ramës nuk ka legjitimitet. Legjitimiteti i saj ka humbur. Kjo qeveri u krijua nga sistemi i patronazhistëve.
Unë ju them se qëllimi i PD-së është rikthimi i së drejtës së shqiptarëve për të qenë të lirë.
Ju garantoj se gjithçka do bëhet për t’ia shkurtuar jetën qeverisë së Edi Ramës dhe për të votuar të lirë. Edi Rama po shkel çdo rregull, po dhunon çdo parim të zgjedhjeve të lira dhe të barabarta, ju garantoj se fatura do t’i shkojë vetëm atij”, tha Berisha.
