Kandidati i opozitës për Tiranën, Belind Këlliçi, po shpalos programin për arsimin.
Gjatë takimit me mësues dhe pedagogë, Këlliçi është shprehur se brenda dy viteve të para të mandatit të tij, do të ndërtojë çerdhe.
Gjithashtu theksoi se do të dyfishojë numrin e shkollave.
Ndër të tjera, Belind Këlliçi ka akuzuar kryebashkiakun e Tiranës, Erion Veliaj, se nuk ka ndërtuar asnjë shkollë dhe çerdhe në zonën e Unazës së Re.
“Nga ‘Liqeni i Thatë’ te ‘Kodra e Priftit’ nuk ka çerdhe. Më 20 prill kemi vendosur që të prezantojmë programin e plotë”, tha Këlliçi.
Më tej ai shpjegoi se nëse një familje kërkon të regjistrojë fëmijën në një çerdhe apo kopsht publik, por është e pamundur për shkak të plotësimit të numrit, Bashkia e Tiranës do të japë ndihmë financiare në mënyrë që ai fëmijë të regjistrohet në një strukturë private derisa kërkesa të marrë përgjigje pozitive.
