Vladimir Kera, teolog, në një intervistë në emisionin “Epiqendër” në Ora News dha një opinion të tij në lidhje me darkat e politikanëve për iftar.
Kera: Unë kam kritikat e mia se si përdoret feja politikisht.Iftari duhet të jetë një moment reflektimi, vllazërimi, afrimi.
Madje para pak kohësh kam bërë një shkrim që e kam quajtur spektakli i imazhit dhe Ramazani nuk i iku dot spektaklit të imazhit.
Spektakli i mazhit të fut në krahasim me shoqëritë dhe vlerësohet njeriu nëpërmjet dukjes, jo nëpërmjet asaj çka është ajo realisht dhe nëpërmjet këtij imazhi të superkuruar,. nëpërmjet asaj çka ju e njihni më mirë spektri mediatik, njeriu arrin të manipulojë turmat sepse masat nuk janë të afta të dallojnë spektaklin nga realja.
Masat janë të prirura të ndjekin atë çka duket jo ajo çka fshihet pas asaj që duket duke mos pasur mekanizmat e filtrimit të një imazhi të caktuar, masat mund të bien dhe pre të një dukje të tillë ku një i parë vendi për mendimin tim mund të bëjë vetëm një iftar zyrtar nëse ka dëshirë dhe pjesën tjetër e ka të detyrë të më tregojë se çfarë ka bërë për qytetarët e këtij vendi, se ne nuk jemi duke vdekur për bukë dhe të vish të na japësh bukë ne kemi nevojë të na tregosh ku shkon buxheti i vendit, çfarë ndodh me rrugët e vendit, çfarë ndodh me shkollën, çfarë ndodh me arsimin, çfarë po ndodh me mjekësinë,çfarë ndodh me policinë, çfarë ndodh me krimin?
Këtë do kisha dëshirë që në Ramazan një pushtetar të më tregonte dhe jo iftarin, ky është mendimi im personal.
