Kryebashkiaku Erion Veliaj, i cili kandidon për mandatin e radhës për Tiranën komentoi premtimin e bërë nga “rivali” i tij, Belind Këlliçi. Ky i fundit, kandidat i koalicionit “Bashkë Fitojmë” ka ngjallur reagime të shumta me premtimin ndaj qytetarëve, se me fitoren në Tiranë, do të bëjë transportin publik falas.
Megjithatë, sipas kryebashkiakut aktual ka disa arsye pse kjo nuk mund të realizohet. I ftuar në emisionin “Bardh a Zi”, Veliaj tha:
“Pse nuk bëhet falas? Së pari, po kërkon që me taksat e të gjithëve ne dhe të thuash të taksojmë të gjithë popullsinë për një tarifë shërbimi për një pjesë të popullsisë. Pra, ti thuash edhe një këmbësoreje, një nëne. Po të ngrihet grupi i biçikletave dhe të thonë na blini neve biçikleta.
Pra në demokraci si funksionon që një grup paguan për një grup tjetër. Por 51 përqind që ecin në këmbë se i kanë distancat e vogla. Dikush thotë unë nuk e përdor fare si shërbim do të thotë pse duhet të marrësh taksat e mia për një shërbim që nuk e përdor. Së pari nuk është logjike.
Së dyti nuk funksionon. Kostoja që është nxjerrë thotë se kostoja del 114 milionë euro për Tiranën, 10 herë më shumë.
Dikush që nuk ka qeverisur nuk e ka problem që të gënjejë. Bota nuk e ka përherë të parë që dëgjon sharlatanë. Mund të thuash se mund të bësh edhe avionët falas, kush të pengon kur e di që nuk do të fitosh.“, tha Veliaj.
