“Ndryshimin e nisëm nga vetja”/ Alibeaj në Këlcyrë: PD nën sulm, duan ta asgjësojnë

113 563 lexime

124,178FansaPëlqeje

“Bashkia Këlcyrë do të gdhihet blu me kryetar Adriatik Spahiun”, tha kryetari i Partisë Demokratike Enkelejd Alibeaj në takimin elektoral në Këlcyrë, duke shprehur besimin se kandidati demokrat do të fitojë në zgjedhjet e 14 majit.

“Juve keni pasur mundësi ta takoni, t’ju shpjegojë ai se çfarë është në gjendje të bëjë në këtë bashki, për këtë komunitet.

Do të keni mundësi jo vetëm ta votoni, por edhe ta kontrolloni, pas momentit që do të zgjidhet në krye të bashkisë, sepse kjo është temë e rëndësishme.

Sepse ne të djathtët, sigurisht japim shpirtin për të shkuar për t’i dhënë besimin atij që do të jetë i pari i qytetit.

Qytetari i parë, pushtetari, por sigurisht edhe do ta kontrollojmë. Nëse fjalët që thuhen tani, që ka thënë tani, që i ka thënë gjatë gjithë kësaj kohe, për shërbimet e munguara për investimet të cilat mungojnë, rrugët, kanalizmet, ujësjellësat, për gjithçka tjetër, të mos jenë vetëm retorikë.

Fjalë që thuhen vetëm gjatë fushatës dhe nga momenti që zgjidhesh në krye të bashkisë pastaj, harrohen. Jo. Serioziteti e kërkon që fjala e dhënë edhe të mbahet”.

Sërish, Alibeaj foli për Sali Berishën, të cilin e akuzon se sulmoi Partinë Demokratike, me qëllim për ta dëmtuar. “Jemi ndodhur në një sulm brenda vetes”, u shpreh kryedemokrati para qytetarëve të Këlcyrës.

“Partia Demokratike është partia që në ADN-në e saj është pro amerikane, është pro perëndimore. Nëse nuk e ka këtë vlerësim, ajo nuk është më. Është thjesht dhe vetëm një kopje e keqe e partive të majta, partive sovjetike  që janë sot në Shqipëri.

E pra, për shkak të kësaj arsyeje, Sali Berisha mori kazmën për t’ia vënë dërmën demokratëve. Në 8 janar një shfaqje e shëmtuar, duhet ta heqim nga mendja ne demokratët, duhet të bëjmë gjithçka për ta fashitur ato skena të shëmtuara. E vazhdoi në 6 mars, shkoi u fut nën sqetullën e Ilir Metës, duke ia bërë të pamundur Partisë Demokratike fitoren ën 6 mars.

E vazhdoi në prill, për ta përçarë PD. E vazhdoi në tetorë, me procesin e primareve dhe neve i thamë, po more neve nuk duhemi me njëri-tjetrin, por po ua shtrimë dorën këtyre demokratëve , atyre demokratëve: hajde të dalim me një kandidat. Më të mirin, fituesin. Sepse e keqja më e madhe në këtë vend quhet Edi Rama. Askush nuk duhet të bëjë veprime për t’ia zgjatur ymrin Edi Ramës. Ishte njerëzore, ishte fisnike.

Alibeaj akuzoi dhe kandidatët e “Foltores”, të cilët u bashkuan në koalicion me Ilir Metën, për të garuar në zgjedhjet e 14 majit.

Lexo edhe :  Fushata online e partive/ Rama më i klikuari, një video e tij mbi 1 mln shikime

 “3 mars, pasi na zvarritën 1 vit e ca nëpër gjyqe, e na lodhën e na telikosën, 3 mars kur u sqarua gjithçka, i thashë: kandidatëve të Foltores, mos shkoni tek LSI-ja, mos shkoni tek partia e majtë, mos shkoni tek një pazarxhi politik si Ilir Meta. Hajdeni tek shtëpia juaj, hajdeni tek kjo sigël, sepse keni detyrime tek kjo sigël. Jeni bërë personazhe politike prej Partia Demokratike, ia keni detyrim.

Po e gëlltis unë krenarinë, po e lë mënjanë se çfarë kemi bërë në një vit e gjysmë, por vetëm për të mirën e demokratëve hajde të dalim me një kandidat para së keqes së madhe që quhet Edi Rama. E refuzuan. Jo vetëm e refuzuan, por shkuan u bënë një me Ilir Metën”.

Të fundit

Përfundon procesi i numërimit në Tepelenë, fiton Partia Socialiste me 3.214 vota

Përfundon procesi i numërimit në Tepelenë. Rezultatet sipas partive: PS 3214 vota, PD- ASHM 1003 vota, KJoalicioni Nisma Shqiperia Behet  149 vota, Partia Mundesia...

Përfundon numërimi në Himarë, kryeson PS. Shënohen 214 vota të pavlefshme

Në Bashkinë e Himarës procesi i numërimit të kutive të votimit ka përfunduar. Në përfundim, Partia Socialiste ka kryesuar me 3196 vota. E dyta vjen...

PS fiton Vorën me 8010 vota, Gonxhja më i votuari me 4794 vota

KQZ ende nuk ka shpallur rezultatin e Vorës dhe njësisë numër 10 në Tiranë ku u votua në mënyrë elektronike, por burime bëjnë me...

Garë e ngushtë në Lezhë, PS përmbys rezultatin dhe kalon në avantazh

Në qarkun e Lezhës ka ndodhur një përmbysje e rëndësishme elektorale, teksa Partia Socialiste e Shqipërisë ka kaluar në kryesim pas numërimit të 86...

Sekuestrohen pasuri në vlerë 2 milionë euro në dyshimin për pastrim parash

Autoritetet kosovare kanë sekuestruar pasuri me vlerë prej mbi 2 milionë eurosh, nën dyshimet për shpëlarje parash, ka bërë të ditur Prokuroria Speciale e...

Lajme të tjera

Web TV