Kryetari i komanduar i Partisë Demokratike, Enkelejd Alibeaj zhvilloi sot një takim elektoral në Durrës. Gjatë fjalës së tij ai sulmoi ish-kryeministrin Sali Berisha, duke thënë se “PD pa Berishën, është fytyra e vërtetë dhe alternativa e re”.
“Partia Demokratike jo vetëm premton, por se angazhohet dhe zotohet që të jetë fytyra e vërtetë e Durrësit dhe e Shqipërisë nga sot e tutje e dimë fare mirë në një kohë të vështirë.
Por kohërat e vështira janë pikërisht momentet që dalin në pah karakteret e forta, karakteret e forta politike, ata njerëz që midis interesit dhe idealit, vendosin idealin.”, ka thënë Alibeaj.
Sipas Albeajt ish-kryemistri Berisha nuk gëzon mbështetje tek shqiptarët.
“Shqiptarët janë kundër berishizmit. Dhe kërkojnë euroatlantizimin”, është shprehur kreu i PD.
Ai u shpreh dhe kundër kryeministrit Edi Rama,teksa theksoi se nuk ka garë me kundërshtarët, duke iu referuar atyre të koalicionit “Bashkë Fitojmë”.
“Me kundështarët të tillë, Rama nuk ka garë fare. Duhet një opozitë tjetër, si ai posteri, ata janë bashkë, i lidh korrupsioni”.
