Analisti dhe gazetari Çim Peka, ka bërë një shënim të shkurtër për rezultatin e zgjedhjeve të 14 Majit dhe zërat kritikë që kërkojnë largimin e Sali Berishës. Sipas tij, ish-kryeministri ka marrë 40% të votave mazhoritare në shkallë vendi.
Madje, sipas tij kryeministrit Edi Rama i ka ikur buzëqeshja, sepse e ka të qartë që me Sali Berishën përballë do e ketë shumë të vështirë. Në këto zgjedhje PS mori 54 bashki kurse PD-ja e Berishës vetëm 7-të.
“40% pa asnjë garanci në zgjedhje! Sali Berisha pa parti, pa vulë, pa komisioner, pa numërues, pa fonde, pa emër në fletë të votimit. Me një listë kandidatësh të lirë, me qindra miliona euro kundër, u fut në zgjedhje për një muaj dhe mori rreth 40% të votave mazhoritare në shkallë kombëtare. Ose më saktë, kaq i lanë.
Basha, Alibeaj, Yuri Kim me vulë, komisioner, miliona euro nuk arriti dot të gjejë kandidatë dhe aty ku gjeti doli parti e katërt ose e pestë.
Tani po këta dalin e thonë Sali Berisha dështoi! Kaq mjafton për të kuptuar pse Edi Rama nuk qeshte dot mbrëmë. E ka të qartë se me këtë njeri do ta ketë të vështirë.
Kaq i la dhe Ramiz Alia me ndërkombëtarët në zgjedhjet e ‘91. Edhe atëherë i njëjti Preç i kërkonte dorëheqjen. Berisha qëndroi dhe mundi regjimin. Në fund të gjithë iu bashkuan. Edhe “Preçët” e djeshëm e “Gjekmarkajt” e sotëm”, shkruan analisti dhe gazetari Çim Peka.
