Basha është rikthyer në skenën politike pas disa muajsh mungesë.
Edhe pse Basha humbi çdo betejë gjatë drejtimit të Partisë Demokratike, Basha pretendon se do të rikthejë shpresën te qytetarët.
Gjatë një takimi me të rinjtë në Durrës, Basha tha se me platformën e tij do të çojë përpara vendin.
“Shërimi është ju, jo të flisni, por me zë të lartë, aq sa të jetë e pamundur për këdo që të mos iu dëgjojë, Unë kam disa propozime që janë pjesë e një platforme jo thjesht e imja, por e PD-së, e opozitës. Platformë, që duan apo s’duan disa do të shkojë para, PD do kthehet prapë në shpresën për Shqipërinë dhe shqiptarët.
Ta harrojnë ata që thurin plane se do ta zhdukin PD-në, e kundërta do ndodhë. Ne nuk jemi dhe s’kemi lindur për veten tonë, por për njerëzit. Ndonëse e kemi humbur udhën po e gjejmë bashkë me ju, veçanërisht falë rinisë”, deklaroi humbësi serial.
