“Nuk është jashtë parashikimeve”, kështu tha gazetari Ben Andoni lidhur me situatën e tensionuar në veri të Kosovës.
I ftuar në “Review” në Euronews Albania ai tha se kjo situatë u parashikua që në fillimet e Marrëveshjes së Ohrit, ndërsa shumë shpjet do të vijë edhe e vërteta.
Sipas tij Serbia duket sikur gjithnjë do ta mbajë peng e “ta peshkojë” Kosovën, pasi trazirat filluan në momentin kur jemi vetëm pak para përfundimit të marrëveshjes dhe kur Kosova dhe Serbia duhet të përballen me donatorët.
“Që në kohën e Marrëveshjes së Ohrit u fol që do kishte një ngërç dhe ky ngërç ndodhi. Këto ditë mbaron afati i kohës së shkurtër të zbatimit të marrëveshjes së Ohrit dhe pas një muaj e gjysmë mbaron pjesa afatgjatë e marrëveshjes afatgjatë të Ohrit ku të dyja palët do vendosen përballë donatorëve.
Donatorëve që do i japin në këtë moment dhe donatorëve më përpara. Ky është momenti i të vërtetës. Duket që serbët po e mbajnë peng dhe gjithmonë përpiqen ta peshkojnë Kosovën”,-tha gazetari.
Andoni hodhi gjithashtu dyshimet se situata e krijuar mund të jetë bërë edhe nga një bashkëpunim i mundshëm mes Kurtit dhe Vuçiç, ai tha se nuk do që ta besojë një gjë të tillë, por zëra të tillë po qarkullojnë.
