Deputeti i PD-së, Lefter Gështenja thotë se demokratët duhet të bashkohen dhe secili të bëjë një hap pas për të lënë mënjanë të gjitha debatet mes grupimit.
Në një deklaratë për mediat nga jashtë Kuvendit, Gështenja thotë se duhet vrapuar, jo po postin e kryetarit, por për një PD që të jetë forcë qeverisëse.
Lefter Gështenja: Nuk është nevoja të flasim. Unë kërkoj që PD dhe demokratët të bashkohen. Nëse do të vazhdojmë të sulmojmë njëri-tjetrin, unë them jo. Secili duhet të bëjë një hap pas. Nuk pres të ketë garë, nëse ne vrapojmë të mbyllim procesin një orë e më parë. Duhet që PD-ja të hapet. Duhet të bashkohen demokratët, të gjithë faktorët duhet të kontribuojmë. Nëse nuk duhet të vrapojmë për postin e kryetarit, por për një PD më të madhe për të qenë nesër një forcë qeverisëse.
Unë do të vazhdoj të kontribuoj për një PD më të madhe se e djeshme. Kontribuoj prej 32 vjetësh, nuk kam ardhur për karrigen e deputetit në PD. Besoj tek PD. Nuk arrij të kuptoj këto kryetarët kanë mbaruar ndonjë shkollë për kryetarë dhe vetëm këta e bëjnë? Në PD ka njerëz të denjë që mund të jenë të tillë. Kërkohet që t’i japim mundësi çdonjërit për një garë të lirë dhe të ndershme. Askush nuk duhet të ketë frikë nga gara dhe nga vota. Duhetë të rritet besimi brenda vetes dhe brenda demokratëve, në të kundërt nuk mund të fitojmë besimin e demokratëve.
