Veçanërisht gjatë pandemisë por edhe sot, mjekët konstatojnë se popullata shqiptare vuan nga mungesa e kësaj vitamine.
Pasojat nga mungesa e vitaminës D janë të shumta. Shpesh pacientët e mësojnë këtë fakt pasi prekën nga sëmundje të tjera që kryesisht kanë lidhje me imunitetin, sistemin kockor, por dhe probleme të tjera.
Pas pandemisë është rritur ndërgjegjësimi i qytetarëve për të kryer analizën që zbulon nivelet e vitamës D në organizëm.
Mjekët tregojnë për deficencat e konstatuara thuajse në të gjithë grupmoshat. Ndryshimi i stilit të jetës e ka bërë më të vështirë marrjen e kësaj vitamine përmes rrezeve të diellit , ndaj shpesh mungesat plotësohen përmes suplementeve të ndryshme.
Por si mund përthithet kjo vitaminë në mënyrë natyrale? A mjafton vetëm qëndriminë diell?
Ashtu si dhe në vendet e tjera të Europës mjekët rekomandojnë që marrja e vitaminës D në moshat pediatrike të vijojë deri moshën 3 vjeç.
Ndërkohë me rritjen e moshës bëhet më e vështirë përthithja e kësaj vitamine, gjithashtu edhe tek personat me ngjyrë apo dhe ata që kanë probleme gjenetike.
