#1 Venecia, Itali
Nuk mund të flitet pë romanticitet e të mos të na shkojë mendja te Venecia! Nga Karnavali i Venecias në Palio të Marciliana në Chioggia, nga Riviera në Bloom që zhvillohet çdo vit përgjatë brigjeve të lumit Brenta, në Festivalin e Madonna dell’Angelo që festohet në Caorle, nga Festivali Ndërkombëtar i Skulpturave të Rërës në Jesolo deri në Palio i Cavallino, Provinca e Venecias do t’ju befasojë, argëtojë dhe do t’ju dhurojë momentet më të bukura romantike!
#2 Paris, Francë
Shëtitje romantike, restorante të mrekullueshme, mbrëmje për çifte, momente të paharrueshme për t’u çmuar përgjithmonë! Kjo është kartolina që ofron Parisi!
Me dekoret e tij kinematografikë dhe hijeshinë e përjetshme, ku vend ideal tërheq të dashuruarit nga e gjithë bota përgjgjatë gjithë vitit.
#3 Cinque Terre
Cinque Terre përfaqëson një nga zonat më të ruajtura natyrore dhe gjysmë-natyrore të Mesdheut. Faktorët historikë dhe gjeomorfologjikë kanë ndaluar zhvillimin e tepruar të banesave dhe krijimin e rrugëve kryesore (të cilat janë të pranishme në brendësi të Val di Vara). Aktiviteti njerëzor dhe veçanërisht vreshtaria, kanë kontribuar në krijimin e një peizazhi unik në të cilin zhvillimi i mureve tipike prej guri është aq i gjerë sa mund të barazohet me atë të Murit të Madh të Kinës!
#4 Sintra, Portugali
Sintra është një xhevahir i vendosur midis maleve dhe detit, që pret të zbulohet nga të gjithë ata që guxojnë të humbasin në trashëgiminë e saj madhështore historike, natyrën e harlisur, kulturën dhe gastronominë tradicionale.
Sintra ka lënë një përshtypje të thellë në shpirtin dhe veprën e shkrimtarëve të cilët, në shekujt XVIII dhe XIX, pionieruan frymën romantike dhe festuan subjektivitetin dhe emocionin e dramës njerëzore. Sintra është me të vërtetë kryeqyteti i Romantizmit. Një vend për tu vizituar patjetër!
#5 Aix-les-Bains Riviera e Alpeve
Imagjinoni një vend romantik të përjetshëm. I përsosur për pushime apo edhe muaj mjalti. gjallë.
Një shëtitje përgjatë liqenit ju çon domosdoshmërisht në një nga bankat kryesore të Aix les Bains Riviera des Alpes. Këtu, ju do ndiheni sikur po ecni mbi ujë! Vështrimi juaj do humbasë në horizont, duke takuar malet që duken sikur bien drejt e në liqen. Një pamje plotësisht romantike, për t’u kapur në fotografi e për tu ruajtur kujtim gjithë jetën!
#6 Biarritz, Francë
Ky margaritar i Atlantikut tani shfleton një valë rinie pak më të zhurmshme. Klima e butë e vendit dhe bukuria e vijës së tij bregdetare, strukturat lakuara, të ndara nga daljet shkëmbore, e bëjnë Biarritz një destinacion magjepsës në çdo kohë të vitit.
#7 Firence, Itali
Qendra historike e Firences përmban pasuri të pafundme, aq sa është e vështirë të ndash qytetin nga veprat e tij artistike. Në 1982 u shpall një Trashëgimi Botërore nga UNESCO, ai përmbledh të gjithë historinë e qytetit, nga ‘katërkëndëshi Romak’ në zonën Piazza della Repubblica në rrugët e ngushta të qytetit mesjetar, Pallatin Pitti të shekullit të 16-të dhe ndryshimet e bëra në kohën kur Firence ishte kryeqyteti i Italisë.
#8 Santorini, Greqi
Santorini konsiderohet të jetë vendi më i dëshiruar për një arratisje romantike në Greqi, pasi nuk ka shumë vende në botë ku ju mund të shijoni ujin jashtëzakonisht të pastër ndërsa ndodheni në buzë të një vullkani masiv aktiv në mes të detit!
Ishulli ka një reputacion në rritje si një “destinacion martese” për çiftet jo vetëm nga Greqia, por nga e gjithë bota. Një udhëtim në Santorini me partnerin është një ëndërr për këdo që ka parë të paktën një foto të Caldera-s së famshme të ishullit dhe shkëmbimin e puthjeve nën perëndimin e famshëm të Santorini-t!
#9 Bruzh, Belgjikë
Verë ose dimër, mëngjes ose mbrëmje, diell ose shi … Rozenhoedkaai ka aftësinë magjepsëse për të lënë gjithmonë një përshtypje mahnitëse. Nuk ështëpër t’u habitur nëse është një nga pikat më të fotografuara në Bruges. Këtu çdo çift mund të krijojë kartolinën e tij të përsosur!
#10 Budapest, Hungari
Me Kalanë e Budës në prapavijë, ura e parë e kryeqytetit hungarez, tani një monument, është kthyer në një spektakël magjepsës që tërheq shumë turistë në Budapest. Vizitorët gjithashtu kanë mundësinë të ecin në majë të tunelit të vendosur në anën e Budës, e cila ofron një pamje të mrekullueshme të Danubit, urave të tij si dhe pjesëve më të bukura të Pestit.
