E njohur për deklaratat që shkaktojnë gjithmonë polemika, aktivistja Zhaklinë Lekatari ka marrë në mbrojtje ish-kryebashkiakun e Kukësit Safet Gjici, pasi ky i fundit u përfshi në një skandal seksual në zyrën e tij.
Lekatari tha në Euronews Albania, se nëse Alma K., e ka filmuar Gjicin pa dijeninë e tij, atëherë kjo gjë quhet dhunë.
Po ashtu ajo ka theksuar se ish-kreu i Bashkisë Kukës, bëri shumë mirë që dha dorëheqjen, pasi theu etikën.
“Mua nuk më intereson fare shoqëria shqiptare, është apo jo gati. Gjërat ndodhin pa i pyetur shqiptarët nëse duhet të ndodh një gjë ose një tjetër.
Shqiptarët të përveshin mëngët dhe të shohin ku është bota dhe ku janë vetë. Ai bëri shumë mirë që dha dorëheqjen sepse theu etikën.
Nëse merret vesh që kjo zonjë e ka filmuar Gjicin pa dijeninë e tij , quhet dhunë”- tha ajo.
