Kryeministri Edi Rama ka ndarë disa foto nga samiti i NATO-s në Vilnius të Lituanisë. Kreu i qeverisë ka treguar nëpërmjet imazheve në Facebook se është takuar me Sekretarin Amerikan të Shtetit, Anthony Blinken, presidentin francez Emmanuel Macron, kryeministren italiane Giorgia Meloni dhe të tjerë.
“Aleatë dhe Miq”, ka shkruar kryeministri krahas foto albumit. Më herët, Rama, gjatë një bashkëbisedimi me eksperten e Qendrës Europiane të Këshillit të Atlantikut, Rachel Rizzo foli për tensionet në veri të Kosovës, sulmet kibernetike nga Irani dhe për muxhahedinët në vendin tonë.
