Merrni një pije freskuese, prisni pak shalqi, afrohuni te ventilatori dhe shtypni play. Këta filma të lezetshëm veror do t’ju ndihmojnë në njëfarë mënyre të harroni nxehtësinë e ditës.
Ticket to Paradise
Lily (Kaitlyn Denver) mbaron universitetin dhe vendos të bëjë një udhëtim në Balin ekzotik. Atje ajo do të takojë një djalë të ri shumë simpatik i cili ka fermën e tij me alga deti dhe ata vendosin të martohen. Por prindërit e Lily, të luajtur nga George Clooney dhe Julia Roberts, nuk e duan këtë martesë.
Palm Springs
Nëse “Groundhog Day” do të ishte xhiruar në verë, do të ishte Palm Springs (ose aty për aty). Nyles (Andy Samberg) dhe Sarah (Cristin Milioti) takohen në një dasmë verore, për të cilën janë disi të mërzitur. Dhe fati, sigurisht, do t’i shpërblejë duke e rijetuar ditën e dasmës pa pushim, derisa të shohin se çfarë mund të bëjnë për ta çuar kohën përpara.
Call Me By Your Name
Vera pa këtë film të veçantë është e paimagjinueshme. 17-vjeçari Elio (Timothée Chalamet) bie në dashuri me një burrë pak më të madh se ai dhe ata kalojnë një verë në një shtëpi të bukur në fshatin italian. Ku do ta gjejmë një shtëpi të tillë?
Mamma Mia! Here We Go Again
Ne e marrim të mirëqenë që Mamma Mia e parë e kemi parë! Nuk duhet ta humbisni edhe pjesën e dytë të muzikalit më të famshëm në botë, që na rikthen në vitet ’70.
Jaws
Trileri i famshëm i Steven Spielberg zhvillohet në një qytet të qetë, i cili pret një vizitor të paftuar, që është i madh në përmasa dhe ka një prirje vrastare.
