Ministri i Brendshëm, Taulant Balla thotë se shteti do të ngrejë në një nivel tjetër kontrollin për armëmbajtjen pa leje.
Përmes një postimi në rrjetet sociale Balla bën me dije se ju ka kërkuar drejtuesve të policisë plane operacionale dhe rezultate konkrete për luftën ndaj këtij fenomeni.
“Fenomeni i armëmbajtjes pa leje është një karshillëk i hapur ndaj ligjit dhe shoqërisë sonë. Policia e Shtetit do ta ngrejë në një nivel tjetër kontrollin për këtë vepër penale. I kam kërkuar drejtuesve vendorë të Policisë së Shtetit plane operacionale dhe rezultate konkrete të përditshme ndaj këtij fenomeni.”, thotë Balla.
