Sektori i ndërtimit ishte faktor kryesor i rritjes ekonomike në vitin 2022, por në këtë periudhë pati një ulje të punësimit në këtë sektor.
Sipas të dhënave të INSTAT sektori i ndërtimit u rrit me 20.6% gjatë vitit të kaluar, por kontributi në punësimin total ishte 7.6%, nga 8.1% që ishte në vitin 2022.
Vitin e kaluar, ekonomia e vendit u rrit me 4.8%, ku vetëm sektori i ndërtimi kontribuoi me 20% në totalin e rritjes ekonomike.
Por dhe pse pritej që të kishte më shumë vende pune duke qenë se ndërtimi ishte sektori më me rritje në ekonomi, ndodhi e kundërta pasi ky sektor nuk ka ndikuar në punësim.
Një situatë e ngjashme si në sektorin e ndërtimit është vënë re dhe në atë të turizmit, pasi vitet e fundit është rritur numri i vizitorëve të huaj në vendin tonë.
Mungesa e rritjes së shifrave të punësimit, kryesisht lidhet me informalitetin dhe punësimin pa kontrata.
