Gjykata e Durrësit ka dhënë masën e sigurisë ‘arrest me burg” për 2 autorët e dyshuar të vrasjes së Luljeta Prezës, tek Ura e Dajlanit.
Ngjarja e rëndë ndodhi më datën dy gusht, ndërsa autorët janë Aldo Ibrahimi dhe Ylli Grabovari.
Dy autorët ishin pjesë e një grupi të cilët vepronin edhe për shpërndarjen e lëndëve narkotike. Personat e akuzuar mësohet se i kanë kërkuar viktimës paratë që ajo kishte mbledhur duke “shitur” trupin e saj, por kjo e fundit ka refuzuar t’ia japë të gjitha me argumentin se ka nevojë të mjekohet për shkak të një aksidenti që i kishte ndodhur një javë më parë.
Ata e kanë rrahur për vdekje, dhe më pas trupin e kanë lënë poshtë urës për të humbur gjurmët.
