Zëvendëskryeministrja dhe ministrja e Infrastrukturës, Belinda Ballaku ka reaguar në lidhje me fluksin e automjeteve në akset jugore, të cilët duhet të prsin radhë të gjata të për tua akomoduar.
Në reagimin e saj, Balluku e ka cilësuar këtë një sfidë dhe përgjegjësi të re, e cila sipas ministres vjen si pasojë e numrit të lartë të vizitorëve që ka patur këtë verë në Shqipëri, në pjesën që tashmë quhet “Maldivet e Europës”.
Balluku thekson se, prej 5 vitesh i është dhënë zgjidhje infrastrukturës rrugore në jug të vendit me investime që kanë përfunduar e janë drejt përfundimit, si :Tuneli i Skërficës, Rruga Kardhiq-Delvinë, Rruga Orikum-Dukat, Bypass i Vlorës, Rruga Palasë-Dhërmi apo Tuneli i Llogarasë.
Numri dy i qeverisë nënvizon se studimi dhe projektimi i rrugës Dhërmi – Sarandë , zgjerimi dhe rehabilitimi i akseve turistike si i Ksamilit, apo të gjitha rrugët ndërlidhëse në skajin jugor të vendit, duhet të përshpjetohen në kohë.
I njëjti proces duhet të ndodh me bashkitë , të cilat duhet të studiojnë dhe projektojnë kapacitete të reja shërbimesh, duke nisur nga parkimi publik e deri tek pastrimi.
Reagimi i Belinda Ballukut
Mora shkas nga kjo video ajrore e postuar nga miku im @alketislamiofficial , e cila tregon se si vizitorët e Ksamilit , tashmë pagëzuar si ” Maldivet e Europës” i duhet të presin në rradha të gjata për t’u akomoduar.
Prej rreth 5 vitesh tashmë, kemi studiuar dhe i kemi dhënë zgjidhje infrastrukturës rrugore në jug të vendit me investime që kanë përfunduar e janë drejt përfundimit, si :
• Tuneli i Skërficës
• Rruga Kardhiq-Delvinë
• Rruga Orikum-Dukat
• Bypass i Vlorës
• Rruga Palasë-Dhërmi
Apo Tuneli i Llogarasë, krenaria infrastrukturore shqiptare.
Megjithatë fluksi i vizitorëve në këtë verë, promovimi që vetë ata i kanë bërë vendit tonë, na ka vendosur ne në #MIE , #ARRSH e #FSHZH , para një sfide e përgjegjësie të re.
Studimi e projektimi i rrugës Dhërmi – Sarandë , zgjerimi dhe rehabilitimi i akseve turistike si ky i Ksamilit, apo të gjitha rrugët ndërlidhëse në skajin jugor të vendit, pavarësisht se kanë qenë në planet tone, tashmë duhet ti përshpjetojmë në kohë.
I njëjti proces duhet të ndodh me bashkitë , të cilat duhet të studiojnë dhe projektojnë kapacitete të reja shërbimesh, duke nisur nga parkimi publik e deri tek pastrimi ./ S.M
Sfidat na motivojnë!
