Belgët janë më të pasurit në botë, me një pasuri mesatare prej 228,594 euro, sipas të dhënave nga Raporti Global i Pasurisë, të publikuar sot nga shtypi belg.
Sipas të dhënave të Raportit Global të Pasurisë, pasuria mesatare e belgëve arrin në 228.594 euro. Kjo do të thotë se gjysma e të rriturve belgë kanë më shumë se 228,594 € dhe gjysma tjetër më pak.
“Vendi ynë i parë u arrit në një mënyrë të jashtëzakonshme,” shpjegon gazetari financiar Paul D’hoore për VTM Nieuws. “Sepse në realitet nuk jemi bërë më të pasur, por më pak të varfër, 2022 nuk ishte një vit i mirë. Tregjet e aksioneve ranë dhe normat e interesit filluan të rriten. Të gjithë u varfëruan pak më shumë”, shtoi ai.
Australia vjen e dyta në renditjen e Raportit Global të Pasurisë me një pasuri mesatare prej 226,310 €, ndërsa Hong Kongu vjen i treti me 185,118 €./E.T
