Gazetari Flogert Muça tha në një intervistë për Euronews Albania se Gazment Bardhi ia la rrugën e bashkëpunimit të hapur Salin Berishës që në zgjedhjet e 14 majit, kur nuk lejoi PD zyrtare të futej në zgjedhje me kandidatë në të 61 bashkitë.
Sipas tij, Gazment Bardhi nuk ka asnjë votë dhe Berisha po mbledh pas vetes një grup të dëshpëruarish që nuk kanë vota por shpresojnë të kenë një emër në listat e zgjedhjeve të 2025.
“Gaz Bardhi nuk bën asnjë diferencë. As bardhi, as Berisha nuk kanë parti politike, Basha do mbajë fjalën në parlament.
Berisha dhe Bardhi janë njerëz pa parti, në kuptimin juridik, por lëvizja e një grupi deputetësh drejt Berishës nuk është ndonjë surprizë.
Berisha po mbledh të gjithë të dëshpëruarit që nuk kanë asnjë votë nga prapa dhe shpresojnë se do të kenë një emër në listat e 2025”, tha Muça./ S.M
