Teksa shqetësimet për pasigurinë ushqimore janë në rritje përballë ndryshimeve klimatike, shkencëtarët po përpiqen të krijojnë fruta pa bërthama.
Sipas The Guardian, shkencëtarët në Zelandën e Re po përpiqen të rritin indet e frutave në laboratore ndërkohë për mishin e rritur në laborator ende nuk ka ndonjë arritje.
Në artikull theksohet se shkencëtarët në Plant dhe Food Research në qytetin jugor të Christchurch-it po synojnë ta ndryshojnë atë duke rritur indet e frutave nga qelizat bimore, duke shpresuar se një ditë qytetarët do t’i shijojnë dhe nuhasin këto fruta si të vërteta.
Studiuesit shpresojnë se programi do të ndihmojë në ruajtjen e sigurisë ushqimore të vendit.
“Këtu në Zelandën e Re, ne jemi të mirë në rritjen e kulturave tradicionale të kopshtarisë por duke parë në të ardhmen rreziku për pasigurinë ushqimore rritet”, tha dr Ben Schon, shkencëtar pranë programit.
Programi synon të rrisë indet e frutave pa pjesët që zakonisht hidhen si bërthama e mollës ose lëkura e një portokalli. Sigurimi i konsumatorëve vetëm me indet e frutave do të ndihmojë në reduktimin e mbetjeve ushqimore, tha Schon.
Ushqimet e rritura në laborator mund të luajnë një rol kyç në bujqësinë e qëndrueshme, por janë ende në fazat shumë të hershme të zhvillimit, sipas Dr Ali Rashidinejad, një tjetër shkencëtar por jo i përfshirë në program.
Meqenëse ushqimi i rritur në laborator është një koncept krejtësisht i ri, pasi të zhvillohet, ai do të duhet të dëshmojë sigurinë e tij tek organet rregullatore me gjasë përmes provave klinike të shtrenjta dhe të gjata.
Konsumatorët do të duhet gjithashtu të pranojnë praktikën, gjeneratat e vjetra mund të rezultojnë të jenë në mëdyshje, por hulumtimet tregojnë se gjeneratat e reja janë të gatshme të provojnë ushqime të reja nëse ato ushqime ofrojnë përfitime shëndetësore duke kufizuar ndikimin mjedisor, tha Rashidinejad.
Programi Plant dhe Food Research, i cili filloi 18 muaj më parë fokusohet në qelizat nga boronicat, mollët, qershitë, pjeshkët, nektarinat dhe rrushi.
Teknologjia ndoshta do të ishte e përshtatshme për rritjen e indeve të frutave brenda qyteteve, tha Dr Sam Baldwin, me shpresën se do të reduktonte koston dhe emetimet e karbonit të krijuara gjatë transportit të ushqimit në qendrat urbane.
Teknologjia gjithashtu mund të kompensojë ushqimin e humbur në kushte jo të favorshme për motin./ S.M
