Presidenti i Republikës, Sh.T.Z. Bajram Begaj, do të niset ditën e sotme për në Nju Jork, SHBA.
Begaj do të kryesojë delegacionin shtetëror të Republikës së Shqipërisë, që do të marrë pjesë në javen e punimeve të Sesionit të 78-të të Asamblesë së Pergjithshme te Kombeve te Bashkuara.
Së bashku me kryetarët e qeverive të 193 vendeve anëtare të OKB-së, ai do të mbajë fjalën, në cilësi kombëtare, në Debatin e Përgjithshëm të AP të Kombeve të Bashkuara.
Gjithashtu, Presidenti Begaj, do të marrë pjesë në Forumin e Nivelit të Lartë Politik për Zhvillimin e Qëndrueshëm, i cili do të mbahet në Nju Jork, në vigjilje të Sesionit të 78-të të AP të OKB.
Gjatë periudhës së qëndrimit në New York presidenti do të zhvillojë edhe takime dypalëshe me krerë të tjerë shtetesh dhe zyrtarë të lartë amerikanë, por edhe me përfaqësues të shoqatave të diasporës shqiptare në SHBA./ S.M
