Fundjavat në juglindje të vendit janë periudha më e ngarkuar gjatë vjeshtës dhe dimrit.
Të shumtë janë pushuesit vendas dhe shqiptarë të rajonit të cilët vizitojnë Korçën, Voskopojën dhe Pogradecin.
Në Pogradec gjejmë pushues nga Gjakova dhe Prizreni të cilët janë rikthyer në qytetin liqenor për disa ditë pushime.
Qetësia, bukuria e liqenit, natyra, njerëzit, ushqimi dhe pastërtia janë arsyet që rikthejnë në Pogradec pushues të shumtë nga Kosova.
Pogradeci është një prej destinacioneve më të preferuara, pasi agjencitë turistike në Kosovë e listojnë të parin këtë qytet në paketën e ofertave për vjeshtën dhe dimrin./ S.M
