“Opozita nuk është tre apo katër emra”/ Topi: ‘Berisha’, çështje e drejtësisë

113 563 lexime

124,178FansaPëlqeje

Ish-Presidenti i Republikës, Bamir Topi ka komentuar zhvillimet e fundit të sistemit të drejtësisë për privatizimit të ish-kompleksit Partizani. Për këtë dosje është arrestuar Jamarbër Malltezi, ndërsa gjykata ka caktuar masën e sigurisë “detyrim paraqitje” për vjehrrin e tij, Sali Berishën.

I pyetur se si e shikon këtë goditje të SPAK për Berishën, ish-kreu i shtetit tha se kjo është një çështje e drejtësisë dhe fjalën e ka ajo tashmë.

“Ka qenë një nga parimet e mia më të thella, që në momentin kur bëhet një debat institucional sigurisht shkohet tek debati institucional. Kjo është një çështje që i ka kaluar drejtësisë. Në formatin e një njeriu që ka qenë në krye të shtetit, duhet marrë në konsiderata bindja ime, që në momentin kur hyn drejtësia, komentet janë të tepërta”, tha ai.

Gjatë intervistës në “Ora e fundit” në ABC News, Topi theksoi se Shqipëria ka vuajtur shumë mos-ndarjen e pushteteve. Sipas tij, tashmë të gjithë duhet të presin drejtësinë e re të japë fjalën dhe verdiktin për çështjet, të cilat i ka nënë hetim.

“Çështjet që shkojnë te drejtësia, unë jam fanatik, ato i takojnë drejtësie. Ajo që ka vuajtur Shqipëria ka qenë ndarja e pushteteve. Pushteti i drejtësisë është pushteti i drejtësisë dhe ndërkohë që e kanë marrë në dorë këtë çështje, iu takon atyre të flasin”, tha Topi.

Më tej ai u ndal edhe tek opozita, e cila sipas tij ka një përkeqësim të madh dhe kjo përçarje i ka rrënjët e thella.

“Shoh një zbehje të fortë të parlamentit për të kontrolluar qeverinë. Shoh një përkeqësim të sjelljes së opozitës ndër vite në mënyrën se si është strukturuar opozita. Aty ka një përçarje, që tani konsiderohet si përçarje e hershme. Rrënjët e kësaj përçarjeje janë të thella. Nuk kanë ardhur vitit e fundit”, tha ai.

Lexo edhe :  Sali Berisha: Ilir Vrenozi ylli i fushatës sonë, e poshtëroi Ramën me reagimin e tij

I pyetur nëse duhet të rihapet dosja e 21 janarit, ish-kreu i shtetit tha se nuk i takon atij të bëjë prononcime, por megjithatë shtoi se drejtësia duhet të kërkohet.

“Tek çështjet që janë në proces mos prisni që unë të artikulohet. A duhet për 21 janarin? Nuk mbetet për ta thënë këtu, e kam thënë vazhdimisht. Është një ngjarje shumë e rëndë, por s’më takon mua ta them, por drejtësia gjithmonë kërkohet”, tha ai.

Ai tha se “21 janari” ka qenë një situatë anormale për shtetin shqiptar, madje tha se në atë kohë ndërkombëtarët dhënë ndihmë që situata të qetësohej.

“Ka qenë një situatë absolutisht anormale për shtetin shqiptar. Çështja e debateve të egra, të pavlera dhe paradoksale, sigurisht që është koha që i zbardh dhe i qartëson. Unë boll kam konsumuar debate dhe kam dhënë fjalime dhe argumente në kohë dhe në vite, sot jam më i tërhequr.

Kam qenë i vetëm, madje kujtoj me shumë respekt, ish-prokuroren Ina Rama, jo vetëm atë, por të gjithë trupën e prokurorëve sepse të punoje në ato kushte mbi të gjitha ishte forcë e madhe karakteri dhe nuk mund ta fsheh ndihmën e ndërkombëtarëve. Ngjarja që e rëndë dhe prodhoi pasoja të rënda. Forcimi i demokracisë vjen nga forcimi i opozitës.

Opozita sot ka një detyrë, që duhet të gjejë kohezionin e forcave më të shëndosha, që janë brenda dhe jashtë Shqipërisë.

Opozita nuk është tre apo katër emra. Duhet kohezion”/  S.M

Të fundit

Nga miqësitë e mëdha tek telefonata me ish-banoren, Arbër Hajdari flet pas BBV

Opinionisi i BBV Abër Hajdari ka dhënë së fundmi një intervistë teksa ka treguar të gjitha përshtypjet për edicionin...

15 mijë euro ryshfet për banesat sociale në Durrës, zbardhet skema

Gjykata e Posaçme kundër Korrupsionit dhe Krimit të Organizuar ka shpallur fajtorë dhe ka dënuar 8 persona të përfshirë në një skemë korrupsioni për...

Basha: Sakrifica e demokratëve s’mund të përdoret për të nxjerrë Metën nga burgu

Drejtuesi Politik i Koalicionit Euroatlantik, Lulzim Basha, ka zhvilluar një bashkëbisedim live në Facebook me ndjekësit e tij, ku ka dhënë përgjigje për pyetjet...

Kryeministri kanadez: Meritojmë respekt nga SHBA, me Trump do të hymë në…

Kryeministri kanadez Mark Carney tha se vendi i tij meriton respekt nga SHBA-të dhe do të hyjë në bisedime tregtare dhe sigurie me Presidentin...

“S’po del më në derë, por anash”, si Suel Çela rekrutoi snajperistin Prekë Kodra

Por komunikimet në Sky ECC kanë zbuluar pikërisht atë që është përballja më e ashpër midis dy prej klaneve më të rrezikshme që kanë...

Lajme të tjera

Web TV