Nesër Parlamenti do të mbajë seancën e radhës, ndërsa opozita ka organizuar një aksion, duke qenë kundër vendimit të përjashtimit të deputetëve.
Kur ka mbetur vetëm një ditë nga seanca plenare, Gazment Bardhi u ka dërguar një mesazh kolegëve të përjashtuar të opozitës.
Bardhi u kërkon kolegëve të jenë të gjithë të pranishëm në Kuvend, pavarësisht përjashtimit.
Ai deklaron se të gjithë deputetët do të mblidhen së bashku në orën 16:30 për të shkuar në grup në seancë.
Gjithashtu, ai i njofton kolegët se mbledhja e radhës e grupit do të zhvillohet të marten e 31 tetorit në orën 13:00./ S.M
