Bosnja nuk ka nisur hetimet mbi Radojçiç/ Pretendohet se ka siguruar armë nga Tuzlla

113 563 lexime

124,178FansaPëlqeje

Prokuroria e Bosnje dhe Hercegovinës nuk ka iniciuar ndonjë hetim mbi pretendimet e Prokurorisë së Lartë Publike në Beograd se Millan Radojçiç, ish-kryetar i Listës Serbe në Kosovë, ka siguruar armë, municion dhe eksplozivë nga Tuzlla – arsenal që më 24 shtator është përdorur në një sulm kundër policisë së Kosovës në Banjskë.

Në atë sulm ka mbetur i vrarë polici kosovar, Afrim Bunjaku, ndërsa në përleshjet që kanë pasuar, janë vrarë edhe tre sulmues të nacionalitetit serb.

“Në Prokurorinë e Bosnje dhe Hercegovinës nuk kemi marrë asnjë raport nga organet policore për veprën e mundshme kriminale dhe autorët; nuk kemi marrë asnjë informacion nga institucionet e vendeve fqinje, kështu që nuk ka pasur urdhër për kryerjen e ndonjë hetimi”, tha Boris Grubeshiç, zëdhënës i Prokurorisë së Bosnje dhe Hercegovinës, për Radion Evropa e Lirë.

Prokuroria e Lartë Publike në Beograd ka bërë të ditur se Radojçiç akuzohet për sigurimin e armëve, municioneve dhe mjeteve shpërthyese me fuqi të madhe shkatërruese nga Tuzlla, në verilindje të Bosnje dhe Hercegovinës, nga janari i këtij viti deri më 24 shtator.

Prokuroria e Beogradit ka saktësuar se armët i janë dorëzuar atij në territorin e Beogradit, “më së shpeshti në rrugën Bubanj Potok – Vërçin”, në juglindje të kryeqytetit të Serbisë. Në deklaratë është thënë se armët, më pas, i ka transportuar dhe fshehur në objekte të braktisura dhe pyje në Kosovë. Ministri i Brendshëm i Federatës së Bosnje dhe Hercegovinës, Ramo Isak, i hodhi poshtë akuzat nga Serbia.

Gjatë të gjitha kontrolleve, operative dhe inteligjente, lidhur me ato pretendime, është konstatuar se të gjitha janë të pavërteta”, tha Isak për Radion Evropa e Lirë.

Lexo edhe :  FOTOT/ Imazhet satelitore para dhe pas tërmetit shkatërrues në Myanmar

Përveç policisë së këtij entiteti, në hetime kanë marrë pjesë edhe Agjencia e Inteligjencës dhe Sigurisë e Bosnje dhe Hercegovinës, Agjencia Shtetërore për Hetime dhe Mbrojtje, ndërsa autoritetet në Bosnje kanë kërkuar edhe ndihmën e agjencisë ndërkombëtare të policisë, Interpol.

Prokuroria e Beogradit nuk iu përgjigj pyetjeve të Radios Evropa e Lirë nëse ka prova se armët janë siguruar me të vërtetë nga Tuzlla dhe kush e ka ndihmuar Radoiçiçin në transport. REL-i nuk mori përgjigje as në pyetjen nëse autoriteteve në Bosnje dhe Hercegovinë u është kërkuar t’i verifikonin pretendimet se armët janë siguruar nga Tuzlla.

Pas sulmit në Banjskë të komunës së Zveçanit, policia e Kosovës ka ekspozuar një arsenal të madh armësh të konfiskuar.

Mes tjerash ka pasur raketahedhës, granatahedhës, pushkë automatike, snajperë, automjete ushtarake, eksplozivë dhe detonatorë, mina kundër tankeve dhe kundër personelit e të ngjashme.

Shumica e armëve kanë qenë të prodhuara në fabrikat serbe dhe ish-jugosllave të armëve. Institucionet në Kosovë dhe Serbi janë duke zhvilluar hetime të ndara për këtë rast.

Qeveria e Kosovës e akuzon Serbinë për incidentin në Banjskë, ndërsa Beogradi zyrtar e mohon përfshirjen. Përmes një letre publike më 29 shtator, Radojçiç ka dhënë dorëheqje nga pozita e udhëheqësit të Listës Serbe dhe ka pranuar se “personalisht” ka organizuar rebelimin e armatosur në veri të Kosovës.

Ai e ka mohuar përgjegjësinë e autoriteteve shtetërore të Serbisë, si dhe ka mohuar fajësinë për veprat me të cilat e ka ngarkuar Prokuroria e Beogradit, përkatësisht për sigurimin e paligjshëm të armëve nga Bosnje dhe Hercegovina. Më 4 tetor, pas seancës gjyqësore, Radojçiç është liruar dhe i janë konfiskuar dokumentet e udhëtimit /O.S

Të fundit

Inteligjenca artificiale e Metës ka mbërritur në Evropë, por jo për të gjithë. Ja pse…

Meta Platforms, Inc., kompania e riemëruar në 2021 nga Mark Zuckerberg, më në fund ka lançuar inteligjencën e saj artificiale...

“Çmenden” tregjet e aksioneve, 5 trilionë dollarë humbje në Wall Street

Për të dytën ditë me radhë, tregjet e aksioneve globale reflektuan tronditje për shkak të tarifave ndaj importeve të vendosura nga  presidenti Donald Trump....

“Alimadhi kundërshtoi policinë”/ Hetohet kreu i Ballit Kombëtar, PD: Burgosje politike

Kreu i Ballit Kombëtar, Adriatik Alimadhi është vënë vënë nën hetim nga policia e Tiranës për veprën penale “Kundërshtim i punonjësit të rendit publik”....

Berisha me sindikatat: Shqipëria nuk do ketë asnjë tarifë për mallrat amerikane

Kreu i PD, Sali Berisha zhvilloi një konference kombëtare së bashku me Sindikatat e Bashkuara. Ai premtoi mbështetje për pensionistët dhe grupet në nevojë...

Maro Kondi, çorrjotja  heroinë e Labërisë në këngë e  ballada

(Nga krijimtaria e kompozitorit nga Ҫorraj, Adham Prifti)  Nga Fatmir Minguli  Maro Kondi  është  e stampuar  në memorjen e njerëzve të Bregdetit të jugut dhe Labërisë ...

Lajme të tjera

Web TV