Këtë e ka bërë të ditur zëdhënësja e Brukselit, Anitta Hipper, e cila shton: “Jemi në kontakt me autoritetet italiane, kemi kërkuar të marrim detaje për marrëveshjen e migracionit me Shqipërinë”. “Para se të komentojmë më tej, duhet të kuptojmë se çfarë saktësisht synojmë të bëjmë”, përfundon ajo.
Marrëveshja, e para e këtij lloji për një vend të BE-së, u njoftua të hënën nga kryeministrja italiane Giorgia Meloni dhe kreu i qeverisë shqiptare, Edi Rama gjatë një takimi në Romë.
Në lidhje me këtë marrëveshje, Partia Demokratike ka kërkuar interpelancë urgjente me kryeministrin Edi Rama./E.T
