Pasi Këshilli i Mandateve ka miratuar me 6 vota pro kërkesën e SPAK për lejimin e arrestimit të ish-kryeministrit Sali Berisha, ka ardhur dhe reagimi i parë nga Rithemelimi.
Sekretarja e Marrëdhënieve me Publikun, Jola Hysaj, e ka krahasuar mbledhjen e ditës së sotme me ato të kohës së regjimit komunist, duke shtuar se Shqipëria është në një nga momentet më kritike të 33 viteve politikëbërje.
Ndër të tjera ajo shkruan se jetojmë në momentet kur të drejtat po shuhen çdo ditë.
Postimi i Jola Hysajt:
Këshilli i Mandateve apo Komisioni i Etikës u mblodh sot?
Si në kohën e xhaxhit kur bëheshin mbledhjet e këshillit të lagjes për fletë- rrufenë e rrallës…
U quajtëm kulakë, kush është emri i ri që po na vihet?
Shqipëria është në një nga momentet më kritike të 33 viteve politikëbërje,
Jetojmë në momentet ku E Drejta e Pronës, E Drejta Jetës, E Drejta e Mendimit Ndryshe, E Drejta për të folur haptazi dhe pa frikë po shuhen çdo ditë.
Shkelja me të dyja këmbët e Kushtetutës është precedenti më i frikshëm i 33 viteve të pluralizmit politik.
Ku po shkojmë???/e.t
