Ulja e temperaturave sjell probleme dhe për mjetet, si të mbroni makinën nga ngricat

113 563 lexime

124,178FansaPëlqeje

Ulja e ndjeshme e temperaturave që pritet të ndodhë gjatë 24 orëve të ardhshme mund të sjellë probleme edhe për mjetet, jo vetëm për njerëzit.

Shpesh njerëzit ankohen se makina nuk ju ndizet në mëngjes, gjatë stinës së dimrit, për shkak se ju bie temperatura, por edhe për këtë problem ka gjithmonë një zgjidhje.

Pse nuk ndizet makina ime?

Jo shumë ndryshe nga njerëzit që kanë nevojë për shtresa të rrobave për t’u mbrojtur nga temperaturat e ulëta, makina gjithashtu mund të ketë nevojë për një përgatitje të vogël para se të niset për rrugë.

Kur makina nuk do të ndizet, kjo shpesh ndodh sepse vaji i motorit është ‘trashur’ nga qëndrimi në të ftohtë, gjë që rrit fërkimin dhe e bën më të vështirë rrotullimin e mekanizmit të motorit.

Moti i ftohtë dhe i lagësht gjithashtu mund të shkaktojë shkatërrimin e baterisë, pasi sistemeve elektrike të automjeteve u duhet të punojnë shumë më shumë se zakonisht.

Kompania e servisit të makinave RAC, thotë se shumica e telefonatave që vijnë gjatë dimrit, kanë të bëjnë me bateritë e makinave.

A duhet ta lë makinën time ndezur për ta ngrohur?

Shmangni këtë nëse mundeni. Duke lënë motorin tuaj të makinës të veprojë para se të ngisni makinën, në të vërtetë nuk ndihmoni, por vetëm rrisni përdorimin e karburantit.

Makinat më të vjetra se 20 vjet kanë nevojë për pak ngrohje para se të nisen nëpër mot të ftohtë, por motorët më modernë rregullojnë temperaturën në përputhje me rrethanat, kështu që ekspertët e makinave thonë se ju nuk keni pse ta lini makinën tuaj të ndezur për më shumë se 30 sekonda përpara se ta ngisni.

Si ta bëjmë shkrirjen e makinës në rast ngrirjeje?

Derdhja e ujit të ngrohtë në xhamin e ngrirë mund të duket si një ide e mirë, por në të vërtetë mund të çojë në shkatërrimin e xhamit nëse ka ndonjë krisje të vogël në të.

Lexo edhe :  Terapistët aprovojnë: Këto janë 4 zakonet që ndjekin çiftet e lumtura

Metoda më e mirë, sipas meteorologut Ken Weathers, është duke përdorur alkool dhe ujë nga një shishe që sprucon.

Weathers thotë se ai përzien 1/3 e një gote me ujë me 2/3 e një gote me alkool fërkimi, për të prodhuar sprajin e shkrirjes. Kjo metodë funksionon sepse alkooli i fërkimit ka pikën e ngrirjes në -128 ° C

Si të zgjidhim një problem të baterisë së makinës?

Si fillim, për të parandaluar ndonjë problem me baterinë, mund ta karikoni atë të paktën një herë në javë gjatë muajve të dimrit, veçanërisht nëse ajo është më e vjetër se 3 vjet.

Indikatori i baterisë mund t’ju ndihmojë në monitorimin e saj, por nëse ajo nuk karikohet mirë, mund të jetë më mirë të zëvendësohet me një te re.

Por, mund të bëni disa gjëra për ta mbajtur baterinë në gjendje të mirë.

Fikni të gjitha ngarkesat duke përfshirë dritat, ngrohjen etj, para se të fikni motorin tuaj në fund të udhëtimit. Kjo ndihmon në parandalimin e një kullimi të panevojshëm të baterisë.

Shmangni përdorimin e ngrohësve të ajrit, xhamave apo ndenjëseve për më shumë se sa duhet.

Parkoni makinën tuaj në një garazh në qoftë se është e mundur, sidomos në temperatura shumë të ulëta.

Testojeni baterinë siç duhet, veçanërisht nëse makina juaj është mbi katër vjeç.

Përdorimi i vajit të duhur

Kontrolloni manualin e makinës suaj për të gjetur se cili vaj duhet përdorur në kushte të ftohta. Vajrat moderne sintetikë rrjedhin mjaft mirë në të ftohtë, për sa kohë që përdorni të duhurin.

Ju do të duhet të përdorni një vaj multi-peshë, të përcaktuar nga dy numra (të tilla si 10W-40). Numri i parë me W, është për fjalën ‘dimër’ (Winter); Një numër më i vogël do të thotë rrjedhje më e lehtë. Vajra 5W dhe madje 0W- ekzistojnë, por kontrolloni manualin tuaj./e.t

Të fundit

Kosovë/ Sot nis “Defender Europe 2025”, marrin pjesë 25 mijë ushtarë nga 29 shtete

Këtë të diel në Kosovë do të nisë “Defender Europe 2025”, në ushtrim i madh ushtarak udhëhequr nga Ushtria...

“E kisha si djalin tim”/ Vjehrri tregon telefonatën e fundit me Gert Bogdanin (VIDEO)

Çlirim Çepani, i ati i aktivistes Edlira Çepani ka surprizuar të bijën mbrëmjen e sotme në emisionin “Se Luan Topi” në Top Channel. Ai ka...

Promovimi i Shqipërisë turistike/ Rama ndan videon: Pamje përrallore të Vermoshit

Kryeministri i vendit Edi Rama ka ndarë në rrjetet sociale pamje nga Vermoshi duke ftuar qytetarët dhe të apsionuarit e natyrës ta vizitojnë atë. “Pamje...

Koalicionet e PD-së në mijëvjeçarin e ri, 28.9% – 46.9%

Eduard Zaloshnja Nga zgjedhjet e viteve ’90, vetëm ato të vitit 1992 mund të konsiderohen zgjedhje normale. Dhe ato i fitoi me 67% koalicioni i...

Ekskursioni shndërrohet në tragjedi. Përmbyset autobusi me studentë, 10 viktima

Një ekskursion nga studentë dhe profesorë universiteti përfundoi në tragjedi të shtunën në Kolumbi, kur autobusi i tyre u përplas, duke vrarë të paktën...

Lajme të tjera

Web TV