Kremtimi i Pavarësisë, Kurti e Osmani harrojnë Shqipërinë

113 563 lexime

124,178FansaPëlqeje

 

Analistët: Ky anashkalim është i pandershëm

Mbajtën fjalime të gjatë në Kuvend dhe pritjen shtetërore, por krerët e shtetit të Kosovës nuk thanë asnjë fjalë për kontributin e Shqipërisë gjatë, para e pas luftës së Kosovës.

Ndonëse në pritjen shtetërore ishte kujdesur që të kishte mjaft të ftuar nga Shqipëria në krye me Presidentin Bajram Begaj, Presidentja Vjosa Osmani e as Kryeministri Kurti në këtë ceremoni nuk e përmendën fare Shqipërinë.

Analisti dhe ish-këshilltari i ish-Presidentit Hashim Thaçi thotë se ky anashkalim i Shqipërisë është i pandershëm.

““Mospërmendja e kontributit të jashtëzakonshmë që ka dhënë populli shqiptar, qeveri shqiptare për lirinë dhe për Pavarësinë e Kosovës nga z.Kurti dhe znj.Osmani është e pandershme, është e papranueshme”, thotë Artan Behrami.

I vetmi moment që Kryeministri foli për Shqipërinë në Kuvend ishte për zbatimin e marrëveshjeve ndërmjet dy shteteve.

“Për të, kontributi i Shqipërisë është i madh po aq sa i Serbisë, po aq sa i Malit të Zi, po aq sa i Maqedonisë dhe kjo është një tendencë po ashtu për rishkrim të historisë sepse Shqipëria në çdo kohë, në çdo moment ka ndihmuar popullin shqiptar, ka ndihmuar UÇK-në, ka ndihmuar periudhën e Ibrahim Rugovës, ka ndihmuar shtetndërtimin në Kosovë”, thekson analisti Behrami.

Deklaratat e tilla nuk i cilëson të rastësishme.

“Kryeministri Kurti nuk është aq budalla, një lider i cili ka fituar zgjedhjet në Kosovë për bashkim kombëtar, për bashkim me Shqipërinë, për bashkim të misionit diplomatik mes Kosovës dhe Shqipërisë, sot nuk e përmend kontributin e Shqipërisë”, shprehet Artan Behrami.

Një ditë më parë Kosova ka kremtuar 16-vjetorin e Pavarësisë. Kjo festë është konsideruar nga analistë e zbehtë pasi që Kosova është nën sanksione dhe në raporte jo të mira me miqtë ndërkombëtarë e veçanërisht me Shtetet e Bashkuara të Amerikës./O.S

Lexo edhe :  Goditja e Iranit ndaj Izraelit, Shkupi ndërmerr veprimin e papritur në rast sulmi

 

 

 

Të fundit

A do të ketë reshje shiu? Surpriza e motit për ditën e sotme

Pellgu i Mesdheut tashmë po ndikohet nga një masë ajri e ftohtë, duke sjellë mot të paqëndrueshëm në vendin...

Horoskopi i ditës, e premte, 19 Prill 2024/ Çfarë kanë parashikuar yjet për ju

Dashi Kohët e fundit nuk keni pasur shumë fat në dashuri, por tani mund të filloni të rikuperoheni, ndaj hapuni më shumë me të tjerët...

Liverpool mposht Atalantën por eliminohet nga Europa, Leverkusen mbetet e pathyeshme

Atalanta nxjerr jashtë Europës Liverpoolin. Skuadra bergamaske u mposht 0-1 në shtëpi nga “The Reds”, por kualifikohen në gjysmëfinale të Europa League falë suksesit...

Roma triumfon sërish ndaj Milanit dhe kualifikohet në gjysmëfinalen e Europa League

Roma kalon në gjysmëfinalet e Europa League, ndërsa eliminon Milan-in, pas fitores me rezultatin e përgjithshëm 3-1 të dy ndeshjeve çerekfinale. Pas takimit në “San...

Lajme të tjera

Web TV