“Hakeruam hakerat”/ Lockbit, grupi rus më i rrezikshëm në botë në duart e FBI-së

113 563 lexime

124,178FansaPëlqeje

Organizata më e fuqishme në botë në fushën e krimit kibernetik, Lockbit, e cilësuar si një nga bandat më të famshme ruse është shkatërruar gjatë një operacioni të gjerë ndërkombëtar të udhëhequr nga Agjencia Kombëtare Britanike e Krimit (NCA) dhe FBI.

Autoritetet flasin për arrestime, bllokime të mijëra llogarive keqdashëse dhe rikuperimin e shumave të mëdha parash në formën e kuletave të kriptomonedhave. Shtetet e Bashkuara kanë akuzuar dy shtetas rusë për përdorimin e ransomware Lockbit kundër kompanive në mbarë botën, ndërsa forcat policore polake dhe ukrainase kanë bërë dy arrestime të tjera.

Departamenti i Drejtësisë i Shteteve të Bashkuara, FBI dhe Europol njoftuan në Londër çmontimin e bandës së kriminelëve kibernetikë.

aktivitetit të saj ndër vite ajo ka shkaktuar mbi dy mijë viktima (përfshirë Agjencinë e Ardhurave) rreth në botë, duke marrë më shumë se 120 milionë dollarë. Autoritetet britanike dhe amerikane kanë marrë kontrollin e faqeve të përdorura nga Lockbit, të cilat tani përdoren nga autoritetet për të shpërndarë informacione dhe të dhëna në lidhje me anëtarët e vetë grupit.

“Hakeruam hakerat,” u tha gazetarëve Graeme Biggar, drejtor i përgjithshëm i Agjencisë Kombëtare të Krimit. “Ne arritëm të merrnim kontrollin e infrastrukturës së tyre, sekuestruam kodin e tyre burimor dhe morëm çelësat që do t’i ndihmojnë viktimat të deshifrojnë sistemet e tyre.” Operacioni, i quajtur “Operacioni Cronos”, u ekzekutua nga një koalicion ndërkombëtar ku përfshihen 10 shtete, shtoi Biggar.

“Së bashku, ne kemi arrestuar, akuzuar ose sanksionuar disa nga autorët dhe kemi fituar akses të plotë dhe të paprecedentë në sistemet Lockbit.” Operacioni rezultoi gjithashtu në ngrirjen e mbi 200 llogarive të kriptomonedhave të lidhura me aktivitetet e paligjshme të bandës dhe bllokimin e 14,000 llogarive.

Lexo edhe :  Trump ‘thyen’ rekordin e Bill Clinton, mban 100 minuta fjalim, më i gjati në Kongres

 

/O.S

Të fundit

Pirja e duhanit plakë lëkurën

Tymi i duhanit është njëri ndër shkaktarët për zverdhjen e gishtave dhe thonjve, plakjes së lëkurës dhe rrudhave të...

Rreth 7.5 mln euro!/ Celibashi zbulon sa është kostoja e votës së diasporës

Kryekomisioneri Ilirjan Celibashi në një konferencë me gazetarët ka zbuluar se sa është kostoja e votës së diasporës. "Kosto e shtuar e votimit nga jashtë...

Humb fëmija 10 vjeç në Elbasan, doli nga shkolla, por nuk u kthye në shtëpi

Humb fëmija 10 vjeç në Elbasan, doli nga shkolla, por nuk u kthye në shtëpi. Del nga shkolla, humb fëmija 10 vjeç. Prindërit të shqetësuar....

Dosja “5D”/ Shtyhet seanca në Gjykatën e Posaçme për ish-zyrtarët e Bashkisë Tiranë

Seanca në Gjykatën e Posaçme (GJKKO) për ish-zyrtarët e Bashkisë Tiranë është shturë për datën 12 mars. Shkak është bërë mungesa e tagrit ligjor të...

Prenotimet në Durrës, 7-8 marsi më pak rezervime se viti i kaluar

7 marsi përveç festimeve tradicionale në shkolla, ku nxënësit me tufa me lule dhe dhurata u shprehin mirënjohjen mësuesve të tyre ka edhe anën...

Lajme të tjera

Web TV