Ka nisur mbledhja e komisionit hetimor për sterilizimin dhe check up në shëndetësi.
Pas një fjale të shkurtër të mbajtur nga drejtuesja e mbledhjes së komisionit, Albana Vokshi, anëtari dhe deputeti i PS, Plarent Ndreca deklaroi se ajo po paragjykonte komisionin duke dalë në përfundime dhe se po bënte deklarata partiake.
“Më vjen shumë keq që u nis në këtë mënyrë. Del e qartë që ju e keni paragjykyar veprimtarinë e këtij komisioni. Keni thyer parimin e respektimit të rregullit ligjor. Ne jemi ngritur për të hetuar, për të mos paragjykuar. Nëse vijojmë me deklarata partiake, ndërkohë që jemi këtu për një proces, e kemi nisur me këmbë jo të mbarë. Respektoni parimet kushtetuese”, iu drejtua Ndreca, Vokshit.
Në mbledhjen që do të drejtohet nga deputetja Albana Vokshi, do të bëhet prezantimi i anëtarëve dhe objektit të hetimit.
“Do të bëhet konstituimi, do të prezantohen anëtarët dhe objekti i komisionit hetimor. Ditën e sotme kemi një mbledhje formale ku do të prezantohet të gjithë anëtarët dhe objekti, për të dalë më pas me rezultate në mbledhjet e ardhshme. Vokshi ka qenë një deputete që ka bërë denoncime dhe ka qenë e zëshme për denoncimet në shëndetësi./kb
