Në 24 orët e fundit në vend janë rikthyer reshjet e e shiut dhe dëborës, ndonëse jemi në javën e fundit të muajit Mars.
Dëbora është rikthyer sërish në zonat malore të Shkodrës ku rrugët Bogë-Theth dhe Tamarë-Vermosh janë mbuluar nga bora.
Aktualisht po punohet për pastrmin e rrugëve dhe nuk paraqiten problem në qarkullim.
Ndërkohë, drejtuesit e mjeteve këshillohen të kenë kujdes gjatë lëvizjes në këto rrugë.
Gjatë natës së mbrëmshme edhe Kukësi gjithashtu është përfshirë moti i keq.
Stuhia e shiut shoqëruar me era të forta i ka lënë vendin borës në lartësit 650 metra mbi nivelin e detit.
Reshjet e borës kanë përfshirë njësitë administrative si Kalisë, Arrën, Surroj, Bushtricë, Gryk-Çajë, Ujmishtë, Topojan, Shishtavec e Borje. Trashësia e borës në këto zona nuk i ka kaluar 10 cm duke mos sjell probleme në qarkullimin e mjeteve apo izolim të fshatrave.
Ndërkohë reshjet e shiut gjatë natës kanë sjell rënje të gurëve në disa segmente rrugore rurale dhe nacionale, si ato Kukës-Bushtricë, Kukës-Çaf Mali apo Kukës-Shishtavec pa shkaktuar bllokim të rrugëve.
Sa i takon furnizimit të popullësisë me enwrgji elektrike ka patur probleme të ndërprerjes herë pas here në disa zona malore por edhe në rrerhinat e qytetit të Kukësit.
Fillimi i kësaj jave solli rënien e temperaturave në vend dhe rikthimin e reshjeve të shiut, ndërsa në zonat malore ka pasur edhe reshje dëbore. / S.M
