Ilir Meta prezanton ekipin e tij në Partinë e Lirisë

113 563 lexime

124,178FansaPëlqeje
Ish-presidenti Ilir Meta, pasi shkarkoi Endrit Braillmarin, nga dy postet që mbante në Partinë e Lirisë, ka prezantuar ekipin e ri të punës.

Ditën e djeshme, gjatë mbledhjes së kryesisë, Meta shkarkoi Braimllarin nga posti i Sekretarit të Përgjithshëm të PL-së dhe nga posti i sekretarit politik në Korçë e Tiranë.

Sot, 16 prill, ai ka ndarë një foto në “Facebook”, ku vihet re mungesa e grupit të Kryemadhit.

“Puna sot nisi me debatet për ndryshimet në program sipas 5 prioriteteve për 4 milionë shqiptarë plus. Falenderoj z.Haxhinasto dhe të gjithë kolegët që punojnë me shumë përgjegjësi!”, shkruan Meta krahas fotos.

Ai shfaqet në tryezë me Tedi Blushin, Paskal Milon, Edmond Haxhinaston, Miranda Rirën, Edmond Panaritin dhe disa anëtarë të tjerë të partisë.

Gjatë mbledhjes së sotme, ka munguar sërish Monika Kryemadhi.

Ditën e djeshme, në mbledhjen e kryesisë ku mungonte bashkëshortja e tij, njëherësh anëtarja e Partisë së Lirisë, Monika Kryemadhi, Meta deklaroi se partia nuk do të ketë dy drejtues.

“Kjo nuk mund të jetë një forcë me dy shoferë. Dualizmi ishte shkatërrimtar për PD, pale kur futet ndonjë dorë e tretë në timon dhe askush nuk mban përgjegjësi për fatin e autobusit”, deklaroi ai.

Meta gjithashtu, paralajmëroi rithemelimin e partisë që drejton, në Konventën që do të mbahet më 27 prill.

Meta u bëri thirrje kujtdo që dëshiron të drejtojë Partinë e Lirisë, që të kandidojë në Konventën e 27 prillit.

“Ftoj këdo që ka dëshirë të drejtojë më mirë PL të kandidojë në konventën që vjen. Ftoj cilindo që ka një platformë më të mirë, ta paraqesë. Kjo nuk mund të jetë një forcë me dy shoferë. Dualizmi ishte shkatërrimtar për PD, pale kur futet ndonjë dorë e tretë në timon dhe askush nuk mban përgjegjësi për fatinë autobusit“, tha Meta.

Lexo edhe :  “Sllovenia, mbështetëse e integrimit të Shqipërisë”, Begaj: Më shumë bashkëpunim ekonomik

Ilir Meta, përgjatë javëve të fundit ka shtuar mesazhet për tradhtarë brenda radhëve të Partisë së Lirisë. Vetëm disa ditë më parë, ai tha se ka larguar gardistin duke e quajtur patronazhist të Erion Veliajt, ndërsa nuk kanë munguar as akuzat se figura të Patrisë së Lirisë janë shitur te Edi Rama./E.T

Të fundit

Moment historik/ Shkencëtarët kinezë zhvillojnë kurën për shërimin e diabetit

Në një moment historik të rëndësishëm të mjekësisë, shkencëtarët kinezë kanë shëruar me sukses diabetin tek një pacient duke...

Merret vendimi, vizitorët do paguajnë më shumë për të vizituar Kullën Eiffel

Këshilli i qytetit të Parisit ka rritur çmimin e hyrjes në Kullën Eiffel për të mbledhur më shumë para për restaurimin e kullës, pasi...

Pse flamingot janë rozë?

Flamingot janë të njohur për pendën e tyre të gjallë rozë, e cila mahnit vëzhguesit në mbarë botën. Faktori mbizotërues që kontribuon në ngjyrën...

Asfaltimi i rrugëve në Farkë, Veliaj: I japim vlerë si qendrës, ashtu edhe periferisë

Ekipet e terrenit në Bashkinë e Tiranës kanë vijuar punën asfaltimin e rrugëve në zonën e Farkës, në kryeqytet. Veliaj shprehet se puna po vijon...

Profesionet e lira/Drejtoria e Tatimeve sqaron përditësimin e kodit ekonomik për bizneset

Drejtoria e Përgjithshme e Tatimeve ka sqaruar se bizneset që nuk ofrojnë shërbime profesionale sipas përcaktimeve të vendimit me listën analitike, por ndërkohë figurojnë...

Lajme të tjera

Web TV