Liverpool barazoi 2-2 me West Ham, në ndeshjen e Premier League. Në këtë takim nuk mungoi tensioni në kampin e The Reds, teksa kamerat fokusuan një moment në minutën e 81-të.
Teksa po priste të futej në fushë, Salah debatoi me trajnerin Klopp, ku për të qetësuar situatën u desh ndërhyerja e shokëve të skuadrës. Vlen të theksojmë se barazimi i sotëm “zbeh” në maksimum shanset e Liverpool për të fituar titullin.
Jurgen Klopp on the incident with Mohamed Salah:
"We talked in the dressing room and it’s done." pic.twitter.com/yNvf1nzY8v
— Anything Liverpool (@AnythingLFC_) April 27, 2024
Në intervistën pas ndeshjes, Klopp nuk dëshiroi që të diskutonte shumë lidhur me këtë rast, duke thënë se për të është një çështje e mbyllur.
Por, e njëjta nuk mund të thuhet edhe për Salah, pasi përgjigja e tij ka lënë të nënkuptohet se ajo përleshje mes dy palëve nuk ka mbetur vetëm në fushë.
Egjiptiani nuk arriti që t’i shpëtonte pyetjes lidhur me këtë situatë, pas largimit nga stadiumi.
“Nëse flas sot, do të ketë zjarr”, ishte përgjigja e Salah kur u pyet nga gazetarët se çfarë ndodhi në të vërtetë mes tij dhe trajnerit.