Kryeministri Edi Rama e ka nisur mbledhjen e paralajmëruar me Grupin e Partisë Socialiste dhe kabinetin qeveritar.
Gjatë fjalës së tij, kreu i qeverisë Edi Rama ka thumbuar rivalët e tij politikë, Sali Berishën dhe Ilir Metën.
Më tej Rama ka theksuar se kjo është një përpjekje ekstreme e atyre që duan të helmojnë publikun.
“Kërkoj sot vëmendjen tuaj dhe përmes kësaj mbledhjeje të hapur të përbashkët të grupit parlamentar dhe kabinetit qeveritar. Dëshiroj edhe vëmendjen e atyre që na kanë votuar qysh prej 2013-ës kur morëm detyrën të Rilindim Shqipërinë e rrënuar nga duart e disave që klithin ditë e natë apo bërtasin të shfrenuar foltoreve dhe penxhereve të televizorëve. Bëhet një përpjekje ekstreme për të helmuar publikun dhe për të krijuar një hendek mes nesh dhe shumicës së shqiptarëve që na kanë votuar mbështetur pa kursim në gjithë këto vite”, theksoi Rama./ S,M