Kjo nuk është hera e parë që Policia e Shtetit bie pre e sulmeve.
Në të gjithë strukturat e Policisë së Shtetit është dhënë urdhër që të fiken të gjitha pajisjet kompjuterike. Paraprakisht dyshohet për sulm kibernetik ndaj sistemeve të Policisë së Shtetit.
Deri më tani nuk dihen detaje nga sulmi në fjalë. Dihet që informacioni po verifikohet nga strukturat e policisë kundër krimit kiberbetik dhe po punohet për të zbuluar nëse pas këtij sulmi fshihet Irani.
Kjo nuk është hera e parë që Policia e Shtetit bie pre e sulmeve, apo dhe institucione të tjera. Historia e hakerimeve të instituconve të rëndësishme në vendin tonë vijon prej më shumë se një viti.
Në korrik të 2023, ministria e Brendshme njoftoi për sulmin ndaj faqeve qeveritare online. Goditja e e-albania, riktheu sportelet fizike për disa kohë. Gjithashtu nga sulmi u vodhën të dhënat e mijëra qytetarëve.
Ndërsa precedenti më i rëndë është ai me sistemin TIMS, ku hakerat vodhën identikitet e mijë qytetarëve dhe më pas i bënë ato publike duke i nxjerr në shitje në internet. Hakerimi i sistemit TIMS në 2022 shkaktoi një kaos të vërtetë në pikat kufitare me policët e kufirit që u deytruan t’i kthehshin rregjistrimit me manual të udhëtarëve.
Insititucione të tjera si Parlamenti, Komapnia celulare One dhe INSTAT kanë qenë pjesë e hakerimeve të shpeshta, kryesisht të sponsorizuara nga Irani.
Nëse konfirmohet sulmi i ri kibernetik në Policinë e Shtetit, do ë ishte një skandal i vërtetë. Pasi që pas sulmit të hakerave iranian Shqipëria ka shpenzaur miliona euro për forcimin e serverave dhe në mbrojtjen e tyre kunder hakerimeve./ S.M