Nedim Bajrami do të kujtohet gjatë, jo vetëm për golin më të shpejtë në historinë e një Evropiani, por fantazisti kuqezi vendosi dhe një tjetër rekord personal, në raport me pjesën tjetër të ekipit përfaqësues.
Federata Shqiptare e Futbollit ka bërë publike një statistike të veçantë: Nedim Bajrami rezulton që të jetë lojtari më i shpejtë i Shqipërisë në këtë Evropian. Me 34,8 km/h, Bajrami i la “targën” të gjithëve, ndërsa në vendin e dytë u rëndit Seferi me 33,6, ndërsa Arbër Hoxha regjistroi një shpejtësi 33.2 km/h.
![441904545 875595111269664 6968853655502459757 N](https://www.balkanweb.com/wp-content/uploads/2024/06/441904545_875595111269664_6968853655502459757_n.jpg)
Ndërkohë, më tej ishte Broja që arriti shpejtësinë 33 km/h, për t’u pasuar nga Mario Mitaj me 31.8 dhe Ivan Balliu me 31.8 në ndeshjen e fundit me Spanjën./E.T