“Mbani të qarta kufijtë tuaj, veçanërisht në lidhje me paranë, hapësirën dhe gjendjen emocionale”. Kertesz vuri në dukje se disa njerëz besojnë se të kujdesesh për një person do të thotë “të jap gjithçka që kam”, por kur kjo vërteton të jetë e pamundur, ata heqin dorë tërësisht.
Ndërsa Shtetet e Bashkuara vazhdojnë të luftojnë me krizën e pashembullt të opioideve (qetësuesit), një ekspert thotë se të gjithë amerikanët duhet të ndërmarrin veprime për të parandaluar varësinë dhe të ndihmojnë ata që kanë nevojë. Ka pasur rreth 72,000 vdekje të mbidozës së ilaceve në Shtetet e Bashkuara në vitin 2017, sipas Qendrës Kombëtare të Shëndetit të ShBA-së. “Një gjë që ne të gjithë mund të bëjmë si individë është të pranojmë që çdokush mund të ndihmojë në parandalimin e varësisë, edhe nëse nuk jemi mjek”, tha studiuesi Dr. Stefan Kertesz, profesor në Universitetin e Alabama në Divizionin e Mjekësisë Parandaluese në Birmingham. Shkollat dhe grupet sociale mund të ofrojnë programe të bazuara në aftësi për të rinjtë.
“Këto programe duhet t’u japin të rinjve aktivitete shpërblyese që ofrojnë njohje, mbështetje dhe argëtim”, tha Kertesz në një njoftim universitar.
Kur ofrojnë qetësues për pacientët, ekipi shëndetësor duhet të kenë diskutime të sinqerta me ata që kanë një histori abuzimi të substancave dhe duhet të kenë shumë kujdes me të rinjtë. “Ju duhet të kërkoni biseda për ato shqetësime, nëse mjeku ose infermierja nuk e ngre temën”, tha Kertesz. Trajtimi duhet të vihet në dispozicion të atyre me varësi dhe “duhet të përfshijë ofertën e ilaçeve të bazuara në prova nëse ato aplikohen, siç është rasti për varësitë që përfshijnë opioide. Rimëkëmbja merr shumë rrugë, dhe shumë pacientë kanë nevojë për ndihmë sociale, psikologjike dhe mjekësore me bollëk”, tha Kertesz. “Nëse një familjar apo mik i juaji përdor substanca, sqaroni se sa ju interesojnë dhe pse nuk ju duhen këto gjëra”, tha ai.
“Mbani të qarta kufijtë tuaj, veçanërisht në lidhje me paranë, hapësirën dhe gjendjen emocionale”. Kertesz vuri në dukje se disa njerëz besojnë se të kujdesesh për një person do të thotë “të jap gjithçka që kam”, por kur kjo vërteton të jetë e pamundur, ata heqin dorë tërësisht.
“Kur njerëzit që ju interesojnë kanë probleme të varësisë, qëndrimi i angazhuar me ta për një kohë të gjatë varet nga të qenit i qartë se nuk do të hiqni dorë nga shëndeti tuaj, mirëqenia e familjes ose siguria juaj financiare”, tha ai. “Ju nuk mund të ndihmoni askënd nëse as vetë nuk ndjeheni mirë”. Edhe nëse dikush me varësi nga opioidët është në rikuperim dhe po bën mirë, “është e rëndësishme që të keni agjentin e kundërveprimit të opioidit, naloxone. Naloxone është një ilaç që përdoret për të bllokuar efektet e opioideve, veçanërisht në mbidozë”, tha Kertesz. S.B
