Temperaturat e larta janë të rrezikshme edhe për shëndetin mendor. Mjekja psikiatre, Irena Thoma vë në dukje se vapa mund të shkaktojë përkeqësim të simptomave të ankthit dhe depresionit, edhe te personat që nuk kanë pasur përvojë të mëparshme me këto gjendje.
Në këto ditë të nxehta, ku termometri ka kaluar lehtë 40 gradë Celsius, një nga problemet shqetësuese për shëndetin mendor është efekti i vapes.
Mjekja psikiatre Irena Thoma vë në dukje se temperaturat e larta mund të shkaktojë përkeqësim të ankthit dhe depresionit, madje edhe te personat që nuk kanë vuajtur nga këto gjendje më parë.
Thoma: Vapa normalisht shkakton atë që quhet stresi fiziologjik, që do të thotë, kur ka temperatura të larta trupi reagon me ulje të tensionit arterial, reagon me rrahje të shpeshta të zemrës, me një lloj ndjenje parehatie, me djersitje, kjo është një lloj stresi fiziologjik. Me njerëzit që nuk kanë problem të shëndetit mendor e përjetojnë me një lloj stresi, me një lloj parehatie.
Thoma shton se efektet e vapes kanë ndikim më të thellë te personat me shëndet mendor të prekur, pasi mund të rrisë simptomat e tyre depresive dhe ankthit. Kjo gjë bën që sezoni I verës të jetë një shqetësim i madh në trajtimin dhe menaxhimin e këtyre gjendjeve të shëndetit mendor.
Thoma: Ata që janë të diagnostifikuar me probleme të shëndetit mendor mund të reagojnë me rëndim të simtomave të tyre të sëmundjes për të cilën ata mjekohen. Ata që janë më të rrezikuar janë ata që kanë probleme fizike, domethënë format kronike të sëmundjeve të tyre dhe të tjerë me probleme të shëndetit mendor.
Mjekja thotë se gjithmonë ka zgjidhje dhe ofron disa këshilla
Thoma: Meqënëse shkaku është vapa, domethënë ndikon vapa, atëherë duhet të lehtësojmë ktë ndjesinë e të qenurit i vaposur gjithë kohën. Si mund të realizohet kjo? Duke shmangur pikun e vapës, ushqime të lehta, të asimilueshme, fruta, perime, zarzavate, të pijë ujë me sasi, dush dy ose tre herë në ditë. Domethënë të freskuarit, gjithë kto masa që marim për të shmangur vapën. Pra nëse vapa është shkak atëherë minimizojmë shkaktarin./ S.M
