Lefter Nerënxa është një zotëri 94-vjeçar, që Dritare Tv e takoi në shtëpinë e tij tij dy shekullore në Dhoksat të Lunxhërisë. Një ish-teknik perimesh i cili 40 vite të jetës ia kushtoi bostanit dhe specave.
Në një bisedë me gazetaren Rudina Xhunga, 94-vjeçari se sot në treg ka prodhime me hormone, por ka një mënyrë për t’i dalluar ato nga prodhimet bio.
“Unë kam punuar si teknik perimesh, 40 vite jam marrë vetëm me kultivimin e shalqirit. Drejtoja të gjithë punëtorët se bëhej puna në 4 brigada. Kultivonim gjithçka, pjepër, patëllxhanë, speca, barbunja etj. Madje, specat i dërgonim për eksport në Gjermani.
Prodhimi që nuk ishte për konsum e ktheja mbrapsht.
Tani prodhohen me hormone, që të rritet më shpejt dhe të jetë i fortë, për të rezistuar gjatë. Si ta kuptosh që ka hormone?
Nëse këput një pjepër, ai rron edhe dy ditë më pas. Prodhimet që kanë hormone qëndrojnë gjatë, pa u prishur sepse për këtë i hedhin pleh që të rezistojnë sa më gjatë në treg. Nëse një produkt qëndron 15 ditë pa u prishur, ai patjetër është me hormone! I këpusin pa pjekur mire. Ne dikur nuk e bënim këtë. Nuk kishim hormone, as plehra. I vetmi pleh që përdornim qe ai organik i bagëtive. Vetëm ai përdorej për fruta-perimet”, tregon Lefter Nerënxa./ S,M
