Klea Prenga, 24-vjeçarja e cila u dhunua brutalisht nga Antonela Berisha, dhe motra e kësaj të fundit, Marinela Berisha, reagoi mesditën e sotme lidhur me ngjarjen duke sqaruar dhe disa detaje për partnerin e saj.
Ajo ka rrëfyer se personi me të cilin kishte krijuar një lidhje ishte një burrë i divorcuar që kishte një fëmijë nga marrëdhënia e mëparshme. Ndër të tjera ajo u shpreh se nuk ka ndërhyrë në asnjë marrëdhënie ekzistuese apo të mëparshme të partnerit të saj dhe Marinela Berishës.
Klea shprehet se lidhja e saj ka përfunduar që në muajin prill. Siç ajo pretendon, në llogaritë e saj po dërgohen mesazhe anonime e një sërë informacionesh të pavërteta, ku sipas saj pas tyre fshihen dy motrat Berisha, të cilat ajo i citon si “të pafytyra që fshihen pas krimit që kanë kryer.”/kb
