Elon Musk hyri në platformën e tij të mediave sociale për të postuar një koment jashtëzakonisht të gjatë sesi programi kryesor i Marsit i SpaceX po “mbytet nga një mal i burokracisë qeveritare” nën administratën e Biden. Është ajo burokraci, thotë ai, që kërcënon të prishë ambiciet e tij për të kolonizuar një ditë Planetin e Kuq.
“Çështja thelbësore ekzistenciale është nëse njerëzimi bëhet shumëplanetar në mënyrë të qëndrueshme përpara se diçka të ndodhë në Tokë për të parandaluar atë, për shembull luftë bërthamore, një supervirus ose kolaps të popullsisë që dobëson qytetërimin deri në pikën ku humbet aftësinë për të dërguar anije furnizimi në Mars,” ka shkruar ai.
“Ndërsa kam shumë shqetësime për një regjim të mundshëm të Kamalas. Burokracia po mbyt aktualisht Amerikën deri në vdekje, kjo është e garantuar nën një administratë të Partisë Demokratike. Kjo do të shkatërronte programin e Marsit dhe do ta dënonte njerëzimin”, vazhdoi ai. “Nuk mund të ndodhë. Ndihma juaj do të vlerësohej shumë”.
Komenti i Musk mund të jetë nxitur nga komentet e kandidatit të tij të preferuar presidencial një ditë më parë, me Donald Trump që iu tha turmave në një tubim në Karolinën e Veriut të shtunën se nëse ai fiton, ai do të “flasë me Elon” që “t’i marrë me vete në raketa”. S.B
