Kryetari i Partisë Demokratike, Sali Berisha, ka reaguar pas seancës plenare, ku opozita protestoi në mënyrë të dhunshme, duke u përplasur fizikisht me punonjësit e Gardës së Republikës dhe dogji karriget.
Në protestën e përnatshme të mbështetësve të tij, Berisha përshëndeti deputetët e opozitës, teksa e cilësoi protestën e tyre si një betejë fitoreje.
Ish-kryeministri deklaroi beteja e opozitës duhet të frymëzojë çdo qytetar për t’u ngritur në një betejë në mosbindje civile më të gjitha mjetet e saj.
“Një përshëndetje të zjarrtë deputetëve të Partisë Demokratike, që nisën sot në sallën e parlamentit të mafias dhe krimit, betejën e fitores, betejën e pandalshme, që i dha përgjigjen më të merituar Edi Ramës, këtij kryemafiozi të Shqipërisë dhe Europës, që burgosi deputetin Ervin Salianji, sepse ai denoncoi Geronin e vëllazërisë Xhafa, që fshihej dhe si kriminel, shpërndante drogë, helm në Shqipëri, në Itali dhe Europë.
Të dashur miq!
Sot deputetët e PD-së, nisën betejën, betejën e cila ndalet vetëm me fitoren e opozitës. Ajo betejë duhet të frymëzojë çdo demokrate, demokrat, çdo qytetare e qytetar të këtij vendi, për tu ngritur në një betejë në mosbindje civile më të gjitha mjetet e saj.
Për shpëtimin e Shqipërisë nga krimit, mafia, vjedhja. Qeveri teknike, zgjedhje të lira. Rotacionin, fitoren e opozitës.
Deputetët e opozitës sot u thanë kriminelëve me pushtet, Edi Ramës në Parlament, në qeveri në prokurori dhe gjykata e kudo që janë, se është radha jonë dhe se forcë në botë nuk ka që të na ndalë ne pa realizuar qëllimet tona”, theksoi Berisha./ S.M
