Relativiteti i lumturisë, o fakti në ekziston apo jo, ka qrnë gjithnjë pikëpyetje sidomos mes njerëzve të famshëm që nga ekrani duket se kanë gjithçka por në të vërtetë nuk ndihen kështu. I fundit që ka bërë një deklaratë për palumturinë e tij është këngëtari Elton John.
‘Nuk e kam ndjerë kurrë lumturinë deri tani. Unë jam 77 vjeç, kam bërë gjithçka që kam për të bërë… Kur u bëra i suksesshëm në ato pesë vitet e para, ishte e mrekullueshme. Ishte gjithçka që doja. Doja që njerëzit t’i donin këngët, të blinin disqet. Ka pasur gjithmonë muzikë në kohët e mira dhe të këqija. Unë gjithmonë jam mbështetur te muzika për të vazhduar përpara. Edhe kur isha në kohët e mia më të errëta, unë ende luaja muzikë, ende regjistroja muzikë, kështu që më duhet të falënderoj muzikën që ishte frymëzimi më i jashtëzakonshëm për mua gjatë gjithë jetës sime,” tha John.
Artisti zbuloi gjithashtu se një ndryshim drastik erdhi në jetën e tij kur ai la drogën dhe alkoolin në vitin 1990.
“Fillova të kuptoja se çfarë i mungonte jetës sime: përulësia, mirënjohja dhe besimi. Më duhej të ndërtoja një themel. Po, muzika është e mrekullueshme. Fama është e mrekullueshme. Por nuk më kënaqi. Diçka mungonte.”
Nga ana tjetër, këngëtari ka pranuar se ka gjetur lumturinë e vërtetë me bashkëshortin e tij, David Furnish dhe fëmijët e tyre. S.B
