Çmimi Nobel në Mjekësi i është dhënë Victor Ambros dhe Gary Ruvkun, dy biologë molekularë amerikanë, për zbulimin e tyre të mikroARN-ve dhe rolin e saj në rregullimin e gjeneve pas transkriptimit. Njoftimi u bë nga Asambleja Nobel në Institutin Karolinska në Stokholm, Suedi.
Vitin e kaluar, çmimi Nobel në Mjekësi iu dha Katalin Karikò, një amerikane-hungareze dhe amerikanit Drew Weissman. Ata kishin filluar të studionin ARN në dekadat e fundit, kur askush nuk besonte në këtë teknikë, duke na dhënë më pas mundësinë për të punuar për vaksinat kundër Covid.
Fituesit zgjidhen nga Instituti Karolinska në Stokholm, selia e fakultetit të mjekësisë të qytetit, duke filluar nga një listë e kandidatëve. Lista është hartuar gjatë vitit në bazë të sugjerimeve të dhjetëra ekspertëve të disiplinës (emrat e tyre nuk bëhen të ditur) dhe nga fituesit e edicioneve të mëparshme./K.B
