Duke parë qytetet dhe kryeqytetet e Evropës është bërë një statistikë ku konkluzionet kanë treguar për qytetin me transportin më të mirë dhe më të keq.
Transporti publik ka një ndikim të madh në kënaqësinë e banorëve të qytetit ku jetojnë, pasi shumica e nisin dhe e mbyllin ditën duke udhëtuar nëpër qytet. Megjithatë, ka një hendek të madh në nivelet e kënaqësisë mes tyre.
Kur krahasohen faktorë si përballueshmëria, siguria, frekuenca dhe besueshmëria, ka një prirje gjeografike ku qytetet e Evropës veriore dhe perëndimore raportojnë kënaqësi më të lartë me transportin publik, ndërsa qytetet e Evropës Jugore dhe Lindore shfaqin nivele më të ulëta kënaqësie.
Kënaqësia varion nga 29% në Romë dhe Tiranë në 91% në Vjenë.
Kjo pabarazi është edhe më e madhe midis qyteteve jo-kryeqytetëse, me norma që variojnë nga 22% në Palermo të Italisë në 95% në Cyrih të Zvicrës.
Në pjesën më të madhe, banorët e kryeqyteteve priren të kenë një perceptim më të lartë të sigurisë në transportin publik – përveç Romës dhe Ankarasë.
Në fakt, në Romë, më pak se gjysma e popullsisë e konsideron transportin publik të sigurt. Roma gjithashtu raporton rezultatet më të ulëta në lehtësinë e aksesit, frekuencën dhe besueshmërinë. Në dritën e krizës klimatike, një koalicion prej 43 organizatash evropiane të transportit po bën thirrje për rritjen e fondeve të BE-së për transportin publik.
Komisioni Evropian gjithashtu dëshiron të inkurajojë ndryshimin e sjelljes në favor të lëvizshmërisë aktive dhe transportit publik. S.B
