Një aksident është regjistruar mbrëmjen e kësaj të marte në rrugën nacionale Ersekë-Leskovik.
Sipas informacioneve paraprake, raportohet dy mjete janë përplasur me njëra-tjetrën dhe kanë rënë në kanal për shkak të goditjes së fortë.
Si pasojë kanë mbetur të plagosur tre persona.
Zjarrfikësja ka nxjerrë të lënduarit nga mjetet dhe ata janë dërguar më pas në spitalin e Ersekës.
Policia ka shkuar në vendngjarje dhe po punon për zbardhjen e rrethanave të aksidentit./ S.M